Одронот на патниот правец Дебар – Струга, кај браната Глобочица денеска е целосно расчистен во 13:45 часот.
„Македонија пат“ информира дека по клисурите и усеците можна е зачестена појава на поситни одрони, посебно на патните правци Маврово – Дебар – Струга, Демир Капија -Удово и Катланово – Велес.
Дежурните екипи на „Македонија пат“ се на терен, редовно ги контролират и одржуваат проодни сите патни правци. Сообраќајот на сите магистрални и регионални патни правци низ државата се одвива тековно во зимски услови, по местимично влажни коловози.