Технички средства и одредена количина на денари и американски долари одзела полицијата по вчерашната контрола во објект без фирма во тетовското село Теарце што без потребните документи работел како обложувалница информираше портпаролот на СВР Тетово Марјан Јосифовски.
Според неговите податоци контролата во објектот била спроведена вчера 15 минути пред 16 часот и тука како вработен бил затекнат А.И.(24) од Јажинце додека одговорен на објектот бил А.М.(54) од Тетово.
– Поради работење без лиценца, спротивно на Законот за приредување игри на среќа, фотодокументирани и од објектот со потврда биле одземени пет телевизори, три компјутери, исто толку монитори, два принтери, еден читач, четири тастатури, четири тикети и парични средства во вкупен износ од 5150 денари и 10 американски долари. Се преземаат мерки и активности за целосно расчистување на случајот рече Јосифовски.