Уапсени се две лица кои денеска се на распит пред истражен судија затоа што продавале непостоечки станови по поволни цени.
Порталот Press24 пренесува дека двете лица се уапсени и изведени пред истражен судија за најголемата измама која ја памети Македонија.
Според порталот измамниците продавале станови по екстра поволни цени од само 500 евра квадрат во згради кои тврделе дека ги гради нивната компанија иако всушност тие воопшто не граделе згради ниту поседувале станови за продажба.
Измамниците становите ги продавале на свои познати личности тврдејќи дека поволните цени се дел од владин проект.
За денеска се очекува полицијата да објави повеќе детали.