Во синоќешната сообраќајка на патниот правец Скопје- Велес кај селото Петровец загинале штипјаните Стефан Николов (22), Бојан Бочварски (25) и Јани Димитриев (18).
Според МВР, несреќата се случила на 200 метри пред наплатната рампа, кога патничкото возило „фолксваген поло“ со штипски регистарски таблички изгубило контрола, ја пробило заштитната ограда и завршило во каналот покрај автопатот.
Увидот на полицијата и на истражниот судија траел до раните утрински часови. Денеска се очекуваат подетални официјални информации од полицијата.
Според неофицијални информации, тие биле на свадба кај нивна сограѓанка, пратеничка во македонското собрание.