„МЖ Транспорт АД“ – Скопје соопштија дека сезонската линија што сообраќаше на линија Скопје – Солун ќе биде укината од 1. септември.
Патничката линија се укинува поради неисполнување на зацртаните цели и очекувања во делот на искористеноста и комерцијалните ефекти.
Возот од Скопје тргнуваше секоја сабота во 5.05 часот, а во Солун пристигнуваше во 10.24 часот (по грчко време)
Во спротивен правец од Солун тргнуваше секоја недела во 20.11 часот (грчко време), а во Скопје пристигнуваше во 23.11 часот.
Последното возење ќе биде на 24 август од Скопје, односно на 25 август од Солун за Скопје.