Откако не застанал на даден знак „стоп“, прилепчанец се обидел да прегази полицаец

Од:

Околу два часа по полноќ на 13 јуни, во Прилеп, на улицата „Браќа Миладиновци“ од страна на полициски службеници било пријавено дека возач на автомобил „пежо“, со прилепски регистарски ознаки, не почитувал наредба и не застанал на покажан знак за сопирање.

По ова, полициските службеници го следеле по улицата, каде што било поставено службено полициско возило „шевролет спарк“, со светлосен знак „стоп“, управувано од полициски службеник, а паркирано на физички одвоената лента со крстосница „Прилепски бранители“.

Но, лицето кое го управувало „пежото“ се упатило кон полицискиот службеник, со цел да го прегази, по што полицискиот службеник, избегнувајќи го ударот, отскокнала кон тротоарот и паднала.

Автомобилот продолжил со движење по улицата „Прилепски бригади“ кон Варош, потоа на магистралниот пат Прилеп-Македонски Брод каде, исто така, на даден знак „стоп“ не застанал, туку со голема брзина се упатил кон друг полициски службеник, со намера да го прегази.

По кратко време, возилото било стопирано на земјениот пат од Варош кон градските гробишта, при што уапсен бил 25-годишниот возач, кој се барал со потерница за издржување на затворска казна и заедно со неговите сопатници на возраст од 35 и 28 години биле приведени во полициската станица Прилеп.

Полицијата презема мерки за целосно расчистување на случајот, по што ќе следат соодветни поднесоци.

Би можело да ве интересира

Осуденик убиен во тепачка во судскиот оддел во Психијатриската болница во Бардовци

Катерина Ѓуровски

ВИДЕО: Дивееја на скопските улици качени на хауба, МВР им поднесе пријави

500 луѓе со 120 возила во Струга „наводно правеле изложба“, полицијата им одзеде пет

Исчезнаа 15-годишно девојче и нејзиното новороденче

Скопјанец паднал од тротинет, два дена не отишол во болница, починал

Ја удрил со ретровизор, починала веднаш, возел со 99% слепило и без дозвола