Откако им изгоре куќата, семејството Воденски од беровско Русиново, остана и без својата плевна

Од:

Откако вчера остана без кров над глава, тричленото семејство Воденски од беровско Русиново во нова огнена стихија остана и без својата плевна како и седумте кози како трактор кои се наоѓале во импровизираната зграда. Во моментот на несреќата, семејството било сместено во куќа во Владимирово, која по пожарот им ја обезбеди општината, а веста за опожарувањето на останатиот дел од имотот, им била соопштена од страна на роднини и беровската полиција.

– Рано утрово бевме известени дека, плевната заедно со козите кои ги чувавме и тракторот целосно изгореле. Ни изгоре куќата, сега и плевната, тоа е нов шок за нас. Моите родители примија медицинска помош за полесно да го пребродат шокот кој го доживуваме. Останува да се надеваме на помошта на хуманите граѓани, вели Воденски.

Досега како што додаде Воденски, помош е најавена од негови другари и роднини.

– Мои другари најавија дека ќе донесат кревети, имаме најава и за помош во парични средства. Во понеделник ќе биде обезбедена и жиро-сметка за донации, така што секој кој што сака ќе може да донира и да ни помогне да ја надминеме оваа тешка ситуација, вели Воденски.

Увид на местото на несреќата вршат екипи од беровската полиција, од каде го потврдија опожарувањето на плевната, но повеќе детали, најавија во текот на утрешниот ден. Засега нема информации дали пожарот е намерно подметнат или е резултат на тоа што искри од претходно опожарената куќата го предизвикале истиот.

Би можело да ве интересира

ВИДЕО: Со канта бензин пали познат скопски ресторан во сред полициски час

А1он

Тројца загинати во пожар во руска болница

А1он

МВР: Пожарот во Радишани предизвикан од невнимание при заварување со оксигенска боца

А1он

Му се слоши на пожаникар при гасење на пожарот меѓу двете бензински во Радишани

Маја Илиевска-Пачемска

Изгаснат пожарот кој изби во близина на бензинска во Радишани

Маја Илиевска-Пачемска

ВИДЕО: Пожар до бензинска пумпа во Радишани

Маја Илиевска-Пачемска