Во рамки на одбележувањето на 50-годишнината од возобновувањето на автокефалноста на Охридската архиепископија како Македонска православна црква, утре ќе биде осветен новиот храм „Св. Наум Охридски“ во скопската населба Радишани.
Одбележувањето почнува попладне во 17 часот со вечерна богослужба во храмот „Св. Наум Охридски“, а продолжува утре изутрина во 9 часот со чинот на осветување што ќе го извршат архиепископот и архиереите на МПЦ-ОА, а потоа и со Света Божествена литургија.