Двајца малолетници од Скопје вчера по полноќ физички го нападнале осумнаесетгодишниот К.С. од село Визбегово, Скопско, при што му нанеле тешки телесни повреди.
Министерството за внатрешни работи информира дека ноќта на 6 ноември во 01.05 часот во полиција од страна на граѓанин е пријавено дека на ул. „Бит Пазарска“ лежи машко лице во бесознание, за кое е констатирано дека е К.С. (18) од с. Визбегово, Скопско.
Од страна на Итна медицинска помош е пренесен во Ургентен центар и се наоѓа на КАРИЛ, каде му се констатирани тешки телесни повреди и се наоѓа во животна опасност.
Се преземаат мерки за целосно расчистување на случајот.
