Осумдесет отсто од регистрираните случаи на Ковид-19 се асимптоматски, вели Караџовски

Од:

Претседателот на Комисијата за заразни болести, Жарко Караџовски, изјави денеска дека во просек 80 отсто од сите регистрирани случаи со Ковид-19 се асимптоматски или се со многу лесна незначителна клиничка слика.

Тој рече дека 12 до 14 проценти имаат лесна клиничка слика, односно се со лесно изразени симптоми, а два до четири отсто завршуваат на Клиника.

– За некого тоа се вика температура, слабост, малаксаност, кашлање, отежнато дишење, запушен нос, каде што пациентот ќе остане дома и ќе ја прима терапијата. Просечно, два до четири отсто завршуваат на Клиника. Овие два до четири отсто имаат најчесто воспалителен процес на белите дробови или некој друг коморбидитет што му ја усложнува клиничката слика, рече Караџовски на денешната прес-конференција во одговор на прашање.

Тој посочи дека еден до четири отсто завршуваат на респиратор, а има во просек 15 до 20 хоспитализации дневно.

– Да, здравствениот систем трпи, здравствениот систем има можност да ги растегне тие клинички капацитети и нови интернистички одделенија да постанат ковид одделенија. Меѓутоа се има своја мерка. Лабораториите се тие што ќе можат сукцесивно да набавуваат илјада тестови. Ние финансиски ќе издржиме, тоа не е спорно. Спорно е само кога здравствените работници ќе паднат, додаде тој.

Караџовски истакна дека од минатата недела има 50 студенти на пета и шеста година на Медицинскиот факултет, кои добија можност да навлезат во епидемиологија и да прават епоидемиолошки анкети. За таа цел, како што рече, вклучена е дел од социјална медицина и дел од медицина на трудот.

– Јас останувам до последен момент на браникот. Немам намера да речам дека јас сум најболниот овде. Дека немаме епидемиолози, тоа е факт. Барам строги рестриктивни мерки во делот на казанување. Само на тој начин можеме да опстоиме дека некој ќе се осети дека не треба да прави одредени манифестации со коишто го ремети своето меѓутоа и колективното здравје. Никој не смее да го загрозува моето лично здравје, здравјето на мојата фамилија и вашето здравје. Тој што го загрозува тој треба да одговара, рече Караџовски.

Би можело да ве интересира

Активни 20711 случаи на Ковид-19, во болниците има уште слободни кревети

Ана Ололовска

546 новозаразени во Скопје, Гази Баба со речиси 1.500 активни случаи на Ковид-19

Жарко Настоски

1.039 нови случаи на Ковид-19, починале 15 луѓе

Жарко Настоски

Филипче: Се враќаат на работа 40-те медицински сестри

Катерина Павлова-Николовска

Филипче побара вонреден инспекциски надзор во болницата во Битола по објавените фотографии на социјалните мрежи

Катерина Павлова-Николовска

(ВИДЕО) Стоилковски: Грозоморие во болниците на смртта на Филипче

Катерина Павлова-Николовска