Осум сообраќајки во скопско изминатите 24 часа, четири лица лесно повредени

Од:

Четири лица се здобиле со лесни телесни повреди во три од вкупно осум сообраќајки во текот на вчерашниот ден, а во пет била причинета материјална штета.

Од СВР Скопје информираат дека вчера сообраќајната полиција санкционирала 81 возач кои се движеле со брзина поголема од дозволената, девет возачи поминале на крстосница на црвено светло, тројца возачи не дале првенство на минување на пешаците на обележан пешачки премин, девет возачи за не поседување пропишана зимска опрема, шест возачи за не носење сигурносен појас и 14 возачи за користење мобилен телефон за време на управување на моторното возило.

Од сообраќај биле исклучени вкупно 13 возачи, од кои 12 возачи пред да се стекнат со право на управување на моторно возило и еден возач почетник, како и осум нерегистрирани возила.

Затекнати биле 100 возила непрописно паркирани, а со помош на специјалното возило пајак, отстранети биле 79 возила.

Би можело да ве интересира

Пет малолетници истепани од осум машки лица на автобуска во Скопје

А1он

Четворица повредени во сообраќајка во Кавадарци

Истрага за трговија со дрога против три лица

Приведен возачот кој удри малолетничка во Ѓорче Петров

Лажен полицаец и дипломат измамија две жени од Скопје, од жртвите земаа милион денари

Горан Наумовски

Две жртви и еден тешко повреден во сообраќајка на влезот во Битола