Основното училиште “11 Октомври“ – Скопје денеска прослави го прослави својот 58-ми роденден.
Низ ходниците и училниците на ова основно училиште поминале многу спортисти, политичари, бизнисмени, музичари, личности од јавниот живот на Република Македонија и многу други основци.
Својот роденден ОУ “11 Октомври“ го прослави во халата на училиштето со пригодна културно-музичка програма, со хорски настап на хорот на ОУ “11 Октомври“, настап на училишната музичка секција и танчерска точка.
Целата манифестација, за разлика од минатите години беше збогатена и со разни катчиња во кои се учениците правеа модели од глина, цртаа, ги демонстрираа своите компјутерски вештини, рецитираа проза и читаа поезија.
Директорката на училиштето, Соња Ангеловска одржа поздравен говор на кој им се заблагодари на учениците, но пред се’, најголема благодарница упати до наставниот кадар, кој сиве овие години се труди на децата да им го овозможи најдоброто образование на учениците.
Исто, заедно со наставниот кадар, патронатот го чествуваа и Сојузот на борците на РМ – Центар, чиј претседател, Атанас Бојаровски се заблагодари на поканата, истакна дека традицијата заедно да се чествува празникот продолжува и оваа година и исто – на училиштето во знак на благодарност му ја подари збирката “Бели Мугри“ од Кочо Рацин.
На патронатот присуствуваше и делегација од општина Центар, предводени од секретарот на општината, г-дин Дончо Герасимовски и дел од советничката група на Сојузот на Иднината на општина Центар.