Во присуство на министерот за правда Блерим Беџети и претседателката на Судскиот совет на Република Македонија, Александра Зафировска денеска на пригодна свеченост на Основнот суд Гостивар му беше донирана опрема вредна 30 илјади евра.
Претседателот на Основен суд Гостивар, Ќирко Михајловски изјави дека со оваа опрема која се состои од компјутери, печатачи и скенери, судот ќе се модернезира.
Донацијата е на Турската агенција за соработка (ТИКА). Координаторот Махут Чевик по овој повод рече дека правдата значи цивилизација и затоа и понатаму ќе продолжат да ги помагаат палатите на правдата со донации.
Зборови на благодарност на доделувањето на донацијата искажаа и првиот човек на македонската правда Блерим Беџети и претседателката на Судскиот совет Александра Зафировска.
Претходно донација на комјутерска опрема доби и тетовскиот суд, а наскоро ќе добие и скопска апелација.