Заменик-претседателот на Владата задолжен за европски прашања, Бујар Османи кој е во работна посета на Република Романија оствари средба Министерот за надворешни работи Теодор Малешкану, како и со Министерката за Европски фондови, Рована Плумб. Во рамките на посетата на Романскиот Парламент, Османи оствари средби и со Претседателката на Комисијата за Европски прашања, Габриела Крету, како и со Потпретседателот на Домот на Претставниците (Долниот дом), Флорин Лордаке.
На средбите беа отворени темите за предизвиците и перспективите од романското преземање на претседателството со Европската Унија, како и темите поврзани со билатералната соработка, меѓу Владите и Парламентите на двете земји.
„Националните Парламенти играат многу важна улога во хармонизацијата на законодавствата и нивното усогласување со европското законодавство ‘АКИ’, и во оваа насока очекувам за засилена активности во претстојниот период, особено во насока на меѓусебна соработка меѓу двата законодавни дома како и искористување на романското искуство во овој процес“ истакна Османи. Во рамките на средбите Османи ја отвори темата и за распоредот и дистрибуцијата на ИПА средствата, како еден од најважните елементи не само за поддршка на европските интеграции, туку и воопшто за европеизацијата на земјата.
На средбите беа отворени и темите за предизвиците со кои се соочува Европската Унија, како што се претстојните локални избори, имплементацијата и евентуалните последици од Брегзит, миграцијата, се пожестокиот фундамнтализам, лажните вести итн., при што беше констатирано дека овие предизвици се заеднички за целиот континент и само со заеднички усигласени активности може да се направи соодветна одбрана од исите, која ќе обезбеди побезбедна и постабилна Европа.
Во рамките на посетата, Османи оствари и средба со Премиерката на Република Романија, Виорика Данчила, како и со Министерот делегиран за европски прашања на Романија, Џеорџе Чиамба.