Средба со претставниците на македонските Бугари побарал македонскиот министер за надворешни работи Бујар Османи, a барањето доаѓа само една недела откако еврокомесарот за проширување Оливер Вархеи ги прими лидерите на македонските Бугари во Брисел.
За време на разговорите во Брисел, македонските Бугари му посочија на еврокомесарот дека во Македонија има институционална дискриминација и омраза кон нив.
Македонските Бугари го информираа Вархеи дека во Македонија не наидуваат на разбирање и желба за дијалог од страна на официјалните власти во Скопје.
Бугарската делегација на последниот самит на ЕУ ги информираше лидерите на земјите членки за институционалната омраза кон македонските Бугари и немањето политичка волја од страна на Македонија за спроведување на веќе потпишаните билатерални меѓународни договори.
На почетокот на месецот дојде до нова тензија на релација Софија-Скопје откако македонските гранични власти го блокираа влезот на стотици Бугари кои сакаа да положат цвеќе пред гробот на македонскииот револуционер Гоце Делчев, а тројца од нив беа уапсени затоа што сакаа да се пресметаат со полицијата.
Францускиот амбасадор во Софија предупреди дека Париз „внимателно следи што се случува меѓу Софија и Скопје“.
„Најпрво, ние сме во целосна солидарност со Бугарија во нејзината желба да ги разјасни сите околности околу нападот врз секретарот на клубот во Македонија, Христијан Пендиков, а ги поддржуваме и македонските власти во нивните напори да не се повтори ова“, рече амбасадорот на Франција во Бугарија, неговата екселенција Џоел Мајер Средбата, јави БГНЕС.