Османи: Папата е секогаш добредојден во родниот град на Мајка Тереза

Од:

Заменик претседателот на Владата задолжен за европски прашања, Бујар Османи, оствари средба со скопскиот бискуп и предводник на Римокатоличката црква во Република Северна Македонија, Киро Стојанов, а во пресрет на посетата на земјава на поглаварот на Римокатоличката црква, Папата Франциск.

„Вистинска чест е што папата Франциск ќе ја посети Северна Македонија, како симбол на нашата општествена и цивилизациска ориентација кон Европа и западните вредности. Особено задоволство е што Папата ќе го посети Скопје, родниот град на Мајка Тереза, како признание за нашиот придонес во светската хуманоста, солидарноста и добрината“ истакна Османи на средбата, посочувајќи на традиционално добрите релации меѓу различните религиски заедници во Република Северна Македонија, вклучувајќи ја тука и римокатоличката религиска заедница.

На средбата беа разменети информации за начинот на кој ќе се организира средбата, при што Вицепремиерот Османи изрази уверување дека Владата ќе обезбеди соодветен третман и сета логистичка поддршка за успешно организирање на посетата. „Оваа посета, покрај значењето за претставниците на римокатоличката заедница, е од особено значење и за целата држава и Владата со своите активности ќе одговори соодветно на нивото потребно за организирање на оваа посета“ истакна Османи

На средбата беа отворени и прашањата за соработката на религиските заедници во Република Северна Македонија и претставниците на државата, како и односите меѓу самите религиски заедници и нивната меѓусебна соработка, при што соговорниците упатија на дијалог меѓу заедниците и државата со цел изградба на функционално мултиконфесионално општество.

Би можело да ве интересира

Лав XIV: Парите одат кај трговците на смртта наместо за болниците и училиштата

Мицкоски: Владата го усвои Предлог законот за соодветна и правична застапеност

Горан Наумовски

ВМРО-ДПМНЕ и партнерите ќе одбележат една година власт пред платото на Владата

ВЛЕН: Следната недела се затвора историска рана, ќе биде донесен законот за правична застапеност на Албанците

Владата ја усвои новата Стратегија за конфискација на незаконски стекнат имот

Ребалансот на буџетот треба да биде на владина седница најверојатно во четврток