Османи: Оптимист сум дека ќе обезбедиме мнозинство за Уставните измени

Од:

Оптимист сум дека со формирањето на новата влада во Софија ќе започне и новото поглавје во односите помеѓу Северна Македонија и Бугарија, изјави министерот за надворешни работи Бујар Османи во интервју за француската телевизија „Франс 24“.

– Од моето искуство, она што беше штетно за нашите односи со Бугарија и за нашата европска перспектива е овој бесконечен изборен процес во Бугарија и немањето политичка влада како соговорник за да се воспостави доверба и комуникација и да одиме напред, вели Османи во интервјуто во врска со македонско-бугарските односи и очекувањето за продолжување на дијалогот помеѓу двете земји.

Тој потенцира дека скрининг процесот со Европската Унија е во тек и се одвива со добра динамика врз основа на што ќе ги добиеме извештаите од скринингот и патоказот за отворање на поглавјата, а паралелно се одвива и процесот на уставните измени и впишувањето на Бугарите во Уставот.

Во однос на реформската агенда и напредокот на земјава во борбата против корупцијата, Османи вели дека имаме најдобар резултат во регионот во исполнување на политичките и економските критериуми од европското АКИ, а за уште подобро да напредуваме и да покажеме вистински резултати потребно е да почнеме да ги отвораме преговарачките кластери.

– Инсистираме на отворање на кластерите за преговарање. Преговорите за пристапување ги имаат овие сеопфатни поглавја за владеење на правото, поглавја 23 и 24, кои се отвораат први и затвораат последни. И тие ја обезбедуваат рамката преку која ќе можеме да го подобриме и да го европеизираме нашето општество, потенцира Османи.

Тој потсетува дека со тоа што толку долго беше на патот кон ЕУ, земјава беше фаворит дури и во споредба со држави кои ги започнаа пристапните преговори пред десетина години.

– Оваа предност и побрзото отворање на поглавјата, ќе ни помогне за да можеме побрзо и да ги затвориме преговорите, нагласува Османи во интервјуто за „Франс 24“.

Би можело да ве интересира

Мицкоски: Сценариото на оската ДУИ – СДСМ и структури од поранешното раководство во ВМРО-ДПМНЕ нема да помине, уставни измени под бугарски диктат нема да има

Предраг Петровиќ

Радев: Уставните измени се европски, а не бугарски барања

Рот: Не е време за меѓусебни уцени, ЕУ има јасни очекувања

Катерина Ѓуровски

Ковачевски-Сарацин: Одлуката за уставните измени е одлука да се биде дел од ЕУ, Северна Македонија да продолжи по европскиот пат

Ковачевски: Пред нас е усогласување на ставот на политичките партии за уставните измени

Демократски сојуз: Криминално водство на државата не може да биде кредибилен фактор пред странците ,а уште помалку да ги штити националните и државните интереси