Политички реваншизам е отпуштањето на околу 180 вработени во Комуналец и во општинската администрација од првиот ден со стапување на функција на новиот градоначалник Невзат Бејта, обвини досегашниот прв човек на општина Гостивар и лидер на НДП , Руфи Османи.
Тој потенцира и дека Бејта презел слични мерки во сферата на образованието каде донел „незаконски решенија за разрешување на повеќе директори на основните и средните училишта“.
– Ваквата постапка е тешко кршење на независноста на советите на училиштата кои ги бираат и разрешуваат директорите. Во овој случај тој длабоко гази во автономијата на образовните институции – порача денескаД Руфи Османи, поранешен градоначалник на Гостивар
Според Бејта, откази ќе добијат само лицата на кои им завршиле договорите и оти за него изјавите на Османи се зборови од човек што ги изгубил изборите и кој не знае што зборува. Тој го обвини Османи дека во претходниот четиригодишен период општината станала седиште на НДП.
– Тој ги изгубил изборите и како лидер на една политичка партија на национално ниво и изборите за градоначалник и сега тој не е свесен што зборува и јас немам вина во тоа – велиа Невзат Бејта.