Османи: Личната свест е најгoлема мерка и заштита, секој да биде за себе полицаец и лекар

Од:

Мобилизирање на локалните кризни штабови за директна комуникација со луѓето и нивно убедување да ги почитуваат мерките за заштита од Ковид-19, наместо колетивни рестриктивни мерки. Ова е насоката на која ќе се практикува се почесто за намалување на ширењето на Ковид-19, истакна од тетовско Теарце, главниот координатор на кризните штабови на општините и вицепремиер за европски прашања Бујар Османи.

-Затоа сме тука да се дадат личните пораки-нема никој да може да контролира однесување на луѓе освен ако секој од нас биде свој полицаец, свој лекар за себе и за своето семејство, а заштитните мерки се лесни, нема полесни заштитни мерки од носење маски и миење раце. Ова е спас за сите други рестриктивни мерки, дали тоа е полициски час или карантин или други потешки мерки. Локалните лидери и да почнат да зборуват со луѓето за опасноста од вирусот, да ги отфрлат теориите на заговор за непостоење на вирусот и да работат со луѓето да се издржи уште малку, рече Османи.

Локалните авторитети се тие кои сега ќе имаат поголемо значење и поголема улога, смета Османи, наведувајќи го градоначалникот на Теарце, Исен Асани, кој имал смртен случај, но не дозволил групирање за изразување на сочувство.

-Ако тој тоа го направил кога му починала сестрата, дава личен пример како да се однесуваат и другите. Локалните штабови ќе ги потсетуваат луѓето да не се собираат во домовите и самите да придонесат за намалување на ширењето на заразата, рече Османи.

-Пред месец дена ми почина сестрата. Знаејќи ги обичаите, да дојдат дома за сочувство, не го дозволив поради состојбата. За добро на семејството и за другите луѓе, мора секој така да прави така, затоа што ни се зголемија бројките на заразени со Ковид-19 во селата на нашата општина, рече Исен Асани, градоначалник на општина Теарце.

Општина Теарце досега има еден починат и девет излекувани од Ковид-19.

Би можело да ве интересира

Во Скопје 1.793 активни случаи на Ковид-19

А1он

135 заразени од коронавирус, четири лица починале

А1он

ОЈО Скопје поднесе 13 казнени налози за непочитување на здравствени прописи

Ана Ололовска

(ВИДЕО) Втор ден избори: Денеска гласаат 1.657 затвореници

Искра Манојлоска

МВР: Изречени 169 казни за неносење заштитна маска

Ана Ололовска

Половина од заболените минатата недела не пријавиле контакт со заразено лице

Кристијан Ландов