Османи: Ќе се допрецизираат одредени прашања од Договорот со Бугарија

Од:

Работни групи од Северна Македонија и од Бугарија на дневна основа работат на надминување на разликите на двете земји во однос на примената на Договорот за добрососедство, изјави денеска министерот за надворешни работи Бујар Османи.

Османи истакна дека за време на неговата посета на Софија било разговарано за разликите од очекувањата и различните интерпретации на одредени решенија од Договорот и како да се олеснат одредени решенија.

– Констатиравме дека имаме разлики во нашите очекувања во однос на тоа колку досега тој Договор дал резултат во однос на прашањето за коешто беше наменет, односно потпишан. И тука ги отворивме сите прашања и се договоривме да формираме работни групи, од двете министерства, кои на дневна основа ќе разговараат во однос на овие разлики во очекувањата, различните интерпретации на одредени решенија, како да се олеснат одредени загрижености на едната или на другата страна од некои решенија. Како што е, на пример, новото кратко име, ако кратко име предизвикува одредена загриженост во Република Бугарија дека некој тоа може да го интерпретира како територијална претензија на историскиот регион Македонија, мислам дека ние немаме проблем да направиме дополнително објаснување до бугарската страна дека новото име е во употреба како и долгото така и краткото, меѓутоа и краткото и долгото претставуваат иста територија, а тоа е Република Северна Македонија, изјави Османи.

Според него, нема никаква дилема дека треба да се решат и да се допрецизират одредени прашања, како и на нашата обврска за немешање во внатрешните прашања на соседните држави.

Во однос на историските прашања, шефот на дипломатијата рече дека би сакал да ги охрабри комисиите на двете земји што побрзо да дојдат до одредени решенија, кои ќе дадат нова динамика во односите меѓу двете земји со поглед кон иднината, а не кон минатото.

Би можело да ве интересира

Османи: Имаме недвојбена поддршка од сите земји членки на ЕУ, останува прашањето со Бугарија

Ана Ололовска

Холандската амбасада во Скопје демантира дека Холандија го поддржува ветото за С. Македонија

Ана Ололовска

Спасовски: Македонскиот јазик и македонскиот идентитет се прашања за кои никој нема право да разговара

Ана Ололовска

Ветото за Скопје го поддржаа и Данска и Холандија, тврди бугарски весник

Ана Ололовска

Историчарите продолжуваат со напорите за приближување на ставовите, Скопје порачува дека ќе ќе разговара со Софија и покрај ветото

Ана Ололовска

ВМРО-ДПМНЕ: Заев тргува со името, историјата и јазикот – утре протести во 20 градови

Жарко Настоски