На граничниот премин „Богородица“ скопјанецот С.И. вчера пријавил оштетување на товарно моторно возило марка „ЕРФ ЕЦ 11“ со полуприколка во Солун, Грција.
– Додека С.И. службено бил во солунското пристаниште со товарното моторно возило, во текот на извршувањето на царинските формалности од страна на цариник при грчката царина со син спреј испрскана била задната регистарска табличка на полуприколката пришто целосно била покриена ознаката “МК“. Настанот не е пријавен во грчката полиција, информираат од МВР.
Во текот на годинава на ГП „Богородица“ досега се евидентирани 14 случаи на оштетување на возила или регистарски таблички сопственост на наши државјани кои биле во соседна Грција.