Оштетени се детски реквизити во кавадаречкиот Градски парк, реагираа денеска од Иницијативата за спас на еден од најубавите паркови во Македонија. Оттаму го осудија вандалското однесување на поединци.
– Мора сите да се грижиме за јавното добро, околината, да придонесиме за зачувување и разубавување на просторот околу нас, нагласија во изјава за МИА.
Апелираа, конечно институциите да започнат со репресивни мерки, оти велат, јасно е дека едукативните и превентивните, не секаде даваат резултати. Воедно, ги поздравија активностите на општинското раководство, за проектите за осветлување, реновирање на урбана опрема и одржување на зеленилото и кастрење на вегетацијата во паркот.