Две непознати лица вооружени со пиштоли вчера извршиле грабеж во продавница во населеното место Кисела Јабука во Скопје.
Како што информира МВР, вооружените лица во 21:30 часот влегле во продавницата „Ман Трејд“ на улица „84“ и со закана од вработената С.Д. (54) и нејзиниот сопруг С.Д.(56), кој го удриле со рачка од пиштол, одзеле околу 30.000 денари.
Извршен е увид на местото на настанот, а С.Д. е пренесен во Градската општа болница „8 Септември“.