„Во изминатите години слушнавме многу прекрасни зборови за интегрирањето на земјата во ЕУ. Сега е време за сите политичари, да повторам, сите политичари да покажат дека овие зборови ги поддржуваат со дела.
Овде сме да и помогнеме на вашата земја на патот кон ЕУ, но мора да видиме дека тоа навистина го сакате“.
Ова го изјави евроамбасадорот Аиво Орав на промоцијата на твининг-проектот за зајакнување на капацитетите за процесот на европската интеграција на Секретаријатот за европски прашања и клучните министерства.
Проектот за зајакнување на капацитетите за процесот на европската интеграција ќе се спроведува 21 месец во СЕП и клучните министерства и е финансиски поддржан со 1,7 милиони евра преку ЕУ, односно ИПА 2010/ТАИБ.
