Општински инспектори почнаа да мерат бучава во Центар, на два објекта им наложија да се стишат

Од:

Секторот за инспекциски работи на Општина Центар од почетокот на јули започна со акција за мерење на бучавата од гласна музика на угостителските објекти кои се наоѓаат на територија на општината, информираат од Центар.

dobivaj vesti na viber

Изминатите два викенда, овластените инспектори за животна средина беа на терен и заедно со претставници на овластена лабораторија за мерење на бучавата, вршеа засилени контроли во угостителските објекти. По извршените мерења, констатирани се повисоки вредности од максимално дозволените
гранични во ноќен период, по 23:00 часот, а на два локали, (Мош и Макка), им се издадени Решенија за преземање мерки за намалување на вредноста на имисионото ниво на бучавата во животната средина.

Општина Центар апелира до сите управители и сопственици на угостителски објект во Општина Центар, да се придржуваат до постоечките правилници, да имаат обзир кон жителите кои живеат во непосредна близина на нивните локали и да се придржуваат до Законот за заштита од бучава во животната средина.

Во спротивно, за сите измерени надминувања на граничните вредности на бучава, ќе се преземат законски пропишаните мерки и ќе бидат изречен поригорозни санкции, во согласност со Законот за заштита од бучава во животна средина, велат од Општина Центар.

Би можело да ве интересира

ВИДЕО: Се враќа ли Груевски во белата палата – ќе го пречека ли Данела?

Анита Петровска Рајковиќ

Комисија од Центар ги запишува покривите што летаа во невремето и поплавените простории

Започна 25-тото јубилејно издание на Скопје филм фестивал

Двајца турски државјани се истепале во Градски парк

Големо невреме во Скопје, откорнати дрвја и покриви, поплавени улици

Предраг Петровиќ

Младо момче пронајдено починато во зграда во Скопје

Горан Наумовски