Започна реконструкцијата на улиците „Димитар Влахов“ и „Гоце Делчев“ во Штип, кои се дел од магистралниот пат М12 04 и го поврзува Штип со Радовиш и со Велес.
„Целокупната површина ќе биде покриена со нов асфалт. Станува збор за патен правец со должина од 2400 метри, кој се протега од познатото место ‘Кај јаворот’ во Ново Село, па сè до крстосницата кај Градскиот базен“, изјави директорот на ЈП „Штип-Проект“, Александар Шумански.
Шумански истакна дека со овој проект ќе биде опфатена и реконструкцијата на крстосницата кај градската црква „Св. Никола“.
За реконструкцијата на оваа делница се обезбедени 15. 000 евра од страна на Владата на Република Македонија и ЈП за државни патишта. Крајниот рок за завршување на реконструкцијата на оваа делница сè уште не е познат.
М.Р.