Градоначалникот на општина Охрид, Јован Стојаноски, ја посети опожарената куќа на Роберт Николоски, каде што во тек се активностите за расчистување.
Градоначалникот Стојаноски најави дека во соработка со ЈП „Охридски комуналец“ ќе сторат сè што е во нивна можност, додека трае расчистувањето, Роберт да добие привремено пристојно живеалиште, а во соработка со Црвениот крст од Охрид, ќе му бидат обезбедени продукти за исхрана и одржување на хигиената.
По посетата, градоначалникот упати апел до сите охриѓани во рамките на своите можности да помогнат во обновувањето на опожарениот дом на Роберт Николоски.