Недозволиво и недопустливо е во јавноста да се изнесуваат паушални, непроверени и единствено политички мотивирани изјави, реагира Општина Охрид на соопштението на СДСМ Охрид дека се вршат притисоци и уцени врз вработените за да излезат на контра протести.
„Отворено Ве прашуваме дали со ваквите манипулативни текстови се обраќате до нашите вработени и при тоа им порачувате „Плашете се само до нас и ако не дојдете на протест ќе има последици кон вас“, притоа отворено ги поттикнувате да вршат насилство врз објектот на локалната самоуправа.
Очигледно сте ги измешале времињата и никако не ви станува јасно дека повеќе не владеете со Охрид и дека не можете никого повеќе да го приморате од работното место да присуствува на вашите партиски митинзи полнејќи ги вашите партиски автобуси. За среќа на Охрид ваквото однесување е веќе во минатото и е карактеристично само за вас. Сите не се исти. Прочитани сте и провидни и за сето ова еден ден ќе одговарате“, се наведува во реакцијата на Општина Охрид.