Локалната самоуправа на општина Крива Паланка распиша конкурс за најубави новогодишно и божиќно украсени деловен објект и стамбен објект во општината, а предвидена е парична награда од по шест илјади денари за победниците во двете категории.
Предлозите и пријавите за конкурсот треба да се достават најдоцна до седми јануари 2018 година, во писмена форма до архивата на општината, како и во електронска форма, на [email protected].
По завршување на рокот за достава на предлози комисија од администрацијата вработена во општината ќе направи обиколка и ќе изврши увид во објектите, со фото и видео-документација, по што на десетти јануари фотографиите ќе бидат доставени на веб-страната на општина Крива Паланка и во рок од седум дена сите граѓани ќе можат да гласаат за предлозите и да ги изберат најубавите и најдобро-украсени објекти.