Општина Крива Паланка на 15 декември од 11 до 13 часот организира отворен ден за граѓаните.
Од општината информираат дека активноста е во насока на зголемување на транспарентноста, отвореноста и достапноста, а отворениот ден е прв откако со општината раководи новиот градоначалник Борјанчо Мицевски.
Заинтересирани граѓани ќе можат своите сугестии, предлози, прашања и идеи да ги претстават пред градоначалникот и раководителите на општинските одделенија.
Општинската администрација ќе ги евидентира предлозите и иницијативите и ќе одговара на прашања од областа на урбанизмот, комуналните работи, локалниот економски развој, образованието, социјалната заштита, културата, инспекциското работење, финансиите и нормативно-правните работи, информираат од општината, повикувајќи ги граѓаните да ја искористат можноста за непосредно учество во креирањето на политиките на локалната самоуправа и во подобрување на живеењето во сите сегменти.