Општина Кочани објави оглас за продажба на осум градежни парцели за изградба на индустриски објекти и куќи.
Во месноста „Драчевиќ “ во Кочани се продава земјиште со површина од 1.471, 1.557 и 1.587 метри квадратни за издигнување на објекти од лесната индустрија и малото стопанство. Во зимско-рекреативниот центар Пониква се нудат две локации за изградба на викенд-куќи со површина од 1.099 и 950 метри квадратни. Дополнителни три парцели во градот се продаваат за изградба на објекти за индивидуално домување.
Почетната цена на огласеното земјиште за продажба изнесува 61 денар по метар квадратен. Заинтересираните субјекти треба да ги достават своите пријави за учество најдоцна до 5 декември (за индивидуалните куќи во Кочани), 18 декември (за индустриските објекти) и 25 декември (за викенд-куќите на Пониква). Електронските јавни наддавања се закажани за 7 декември, 20 и 27 декември.