Општина Кочани ќе го гради најавуваниот спа центар лоциран кај градскиот базен по пат на јавно – приватно партнерство.
За оваа намена е изработена физибилити студија во која освен општината се предвидува и инвеститор кој по пат на јавно приватно партнерство ќе вложи во изградбата, опремувањето и одржувањето на овој објект.
– Општина Кочани на една од последните седници даде соглсност за објавување повик за пријавување на заинтересирани инвеститори од земјата и странство. Договорот се планира да се додели на инвеститорот за период од 30 години. Вкупната проценета вредност на објектот кој ќе се гради изнесува 1 милион и 330 илјади евра без ДДВ од кои капиталната инвестиција изнесува околу 845 илјади евра, како и инвестицијата на закупецот во летната дискотека „Аква“ во износ од 488 илјади евра, изјави Ратко Димитровски градоначаник на општина Кочани.
Инаку, според физибилити студијата приватниот партнер ќе треба на општина Кочани да и исплаќа минимален износ од најмалку 10 илјади евра годишно, како и да склучи договор со Комуналното јавно претпријатие „Водовод“ за искористување на геотерманлната вода од системот „Геотерма“ со кој стопанисува кочански „Водовод“.