Со 20 сезонски работници, механизација, два камиона и еден багер, Општина Кисела Вода го чисти дворот на основното училиште „Кузман Шапкарев“ во Драчево.
Градоначалникот Филип Темелковски денеска направи увид во акцијата, а Општината апелира граѓаните да ги фрлаат отпадоците во поставените корпи и контејнери и да се придржуваат до Законот за јавна чистота.
Општина Кисела Вода почна и со есенска дератизација за уништување глодари. Активностите стартуваа од населбата Драчево и ќе продолжат во сите месни и урбани заедници. Опфатени ќе бидат 3.863 шахти.