Општина Кисела Вода спроведе акција за целосно расчистување на сметот/отпадот во урбаните заедници Бирарија и Цветан Димов.
„Со работната акција, во овие урбани заедници се чистеа тротоарите, улиците и тревните површини, кои се во надлежност на локалната самоуправа. Сезонските работници ангажирани од Општина Кисела Вода покрај расчистувањето на сметот собираа и кабаст отпад. Во акцијата собрани се 8 тони смет.
Есенската акција за чистење на Кисела Вода, во четврток и петок ќе продолжи да се одвива во урбаните заедници Кисела Вода и Расадник.
Локалната самоуправа повторно апелира до граѓаните отпадоците да ги одложуваат во поставените корпи и контејнери за отпадоци, да се придржуваат до Законот за јавна чистота, како би допринеле за почиста и поубава Кисела Вода“, соопштуваат од Општината.