Во сабота Општина Кичево ќе му се придружи на проектот „Ајде Македонија“ и ќе организира акција за чистење, која ќе се одвива низ целиот град. „Жолтото е зелено“ ќе биде мотото на акцијата и, како што најавуваат од Општината, целата администрација ќе се приклучи кон акцијата, почнувајќи од 8 часот до 16 часот.
„Градоначалникот Фатмир Дехари исто така ќе биде на терен во текот на целата реализација на акцијата и заедно со граѓаните, вработените, професорите, учениците ќе учествува во чистењето на градот. Апелираме до сите граѓани помасовно да присуствуваат на чистењето на градот за да имаме почист амбиент“, се вели на соопштението на Општина Кичево.
На акцијата ќе ѝ се приклучат и училиштата и претпријатијата од Кичево, кои ќе бидат поделени во групи, со цел да се опфати целата територија на општината.
Fatlume Dervishi