Осумчлена делегација на општина Кавадарци престојуваше во работна посета на општина Инѓија во Република Србија.
Секретарот на локалната самоуправа Кире Делов, кој ја предводеше делегацијата составена од архитекти, градежници, правници, денеска на прес-конференција рече дека целта на посетата била запознавање со искуствата кои ги има општина Инѓија како брзорастечка општина во економијата, во делот на градежното земјиште, просторното планирање и урбанизацијата.
– Кавадаречките претставници ги интересираше таканаречениот географски информативен систем ГИС, рече Делов.
Тој нагласи дека посетата била искористена за да се запознаат домаќините со искуствата за привлекување на странски инвестиции во Кавадарци. Биле разменети и искуства на економски план. Се разговарало за функционирањето на подземната инфраструктура, администрацијата во локалната самоуправа итн.