Општина Карпош од денеска почна со подготовка на теренот за изградба на нова улица во населеното место Бардовци.
Станува збор за изградба на нов крак на улицата 6 во Бардовци во должина од 200 метри, со ширина од 4 метри. Се работи на комплетно поставување долен и горен слој на кракот од улицата 6 и асфалтирање кое треба да биде завршено за петнаесттина дена. Со тоа граѓаните од овој дел на населбата ќе добијат нов, современ коловоз, соопшти Општина Карпош.
Изведувач на работите е фирмата „Ескаватори“, а вредноста на објектот кој целосно го финансира локалната власт изнесува околу 1.100.000 денари.