Со тоа, како што информираат локалните власти, на инвеститорите ќе им се овозможи брза и транпарентна постапка без корупција, независно од тоа дали се наоѓаат во земјава или во странство.
„Издадовме четири електронски градежни дозволи, а во процедура се уште 19 што аплицирале. Со тоа ние се приклучуваме кон градовите во Европската Унија и во САД, кои работат по ист критериум. На тој начин ќе добиеме економски раст и нашата општина ќе оди напред. Апелирам до нашите граѓани што привремено работат во странство слободно да инвестираат во својот град.Од денес натаму нема да има корупција и условување. Во овој мандат сите дозволи ги давам на рака за да нема злоупотреба во Секторот за урбанизам“,рече градоначалникот на Гостивар, Невзат Бејта.
Со информацискиот систем „Е-одобрение за градење” се овозможува електронско постапување по барања за издавање на одобрение за градење, доградба и надградба.
Според најавите, во согласност со Законот за градење,набрзо ќе биде овозможено по електронски пат да се добиваат одобренија за сите останати видови барања.
Г.М.