Залудни се напорите на медиумските курири на ВМРО-ДПМНЕ да ја девалвираат работата и заложбите на градоначалникот Андреј Жерновски.
Градоначалникот ниту предложил ниту ќе гради споменици во општина Центар. Тоа е уште една лага и извртување на вистината, се со цел добивање на ситни поени за ВМРО-ДПМНЕ. кое целосно ја изгуби поддршката во Центар.
Вистината е дека по предлог на граѓани, Советот донел одлука за поставување на спомен плочи, односно мали плакети, како спомен обележја, а не споменици како оние кои ги поставува ВМРО-ДПМНЕ за кои се потрошија милиони евра.
Општината ќе продолжи да инвестира исклучиво во капитални проекти како градинки, училишта и реконструкција на улиците, проекти кои се корисни за граѓаните. Непродуктивните трошоци во гипс и барок се одлика на ВМРО-ДПМНЕ и тие нема да успеат да и ги препишат на локалната власт во Центар.
