Општина Центар на барање на граѓаните, пристапи кон комплетна реконструкција на улицата „Црвена вода“, во населбата Дебар Маало. Станува збор за градежни работи кои опфаќаат поставување на рабници, гребење на стариот и дотраен асфалт и замена со нов, во должина од 150 метри.
Вкупната инвестиција на овој градежен зафат изнесува околу 700.000 денари.
– Општина Центар ги зеде во превид сугестиите и барањата на нејзините граѓани и затоа пристапи кон реконструкција на улицата која ја предложија жителите од населбата Дебар Маало. Мораме да потенцираме дека Општината е сервис на граѓаните и дека се што е проблем во нашиот домен на работата спремни сме да го решиме, велат од општина Центар.
Ги охрабруваме, додаваат, и останатите граѓани доколку имаат идеи во правец на подобрување на функционалноста на Општината слободно да се обратат до надлежните служби.
– Идеите ќе бидат разгледани и доколку постои можност за нивна реализација ќе бидат остварени, потенцираат од општина Центар.