Општина Центар започна со реконструкција на улицата „Наум Наумовски – Борче“, со вкупна површина од 1087 м2.
Ударните дупки претставуваа опасност за нормално движење на возилата и за безбедноста во сообраќајот.
Улицата беше во многу лоша состојба, а посебен проблем речиси на сите улици во Дебар Маало е тоа што асфалтот, во претходните мандати, бил поставен врз коцките од макадам, без претходно да се извадат коцките.
За да се добие квалитет во реконструкцијата, коцките се вадат и потоа се поставува асфалт, што дополнително ја отежнува работата, соопштуваат од Општината.
Зафатот опфаќа реконструирање на улицата од кружниот тек во Дебар Маало до булеварот „Илинден“.
Следни улици кои општина Центар ќе ги реконструира во Дебар Маало се “Коле Неделковски“ и “Коста Веселинов“.