Општина Центар: Вештачењето за пропустите на улицата „9-ти Мај“ ќе биде извршено за периодот од 2007-ма до 2009-та година

Од:

Општина Центар изминатиот месец започна со реконструкција на улицата „9-ти Мај“ во населбата Буњаковец, улица со ударни дупки и асфалт, која последен пат е реконструирана во 2009-та година.

При реконструкцијата, од Општината информираат дека увиделе дека дебелината на поставениот слој на асфалтот е само три сантиметри, односно дури три пати помало од она што е предвидено во проектот за последната реконструкција, изработен во 2007-ма година.

Општината Центар известува дека за улицата „9-ти Мај“ веќе е отпочната постапката за вештачењето на фактичката состојба на улицата во изминатите 11 години.

„Вештачењето ќе се изврши врз парчињата асфалт извадени од самата улица и од постоечката документација за улицата. Сакам да напоменам дека ќе ја ограничиме истражната постапката на периодот од 2007-мата до 2009-тата година“, изјави градоначалникот на Општина Центар, Саша Богдановиќ.

Ова ограничување на постапката, додаде Богдановиќ, е со цел да избегнеме ширење на шпекулации со имиња и одговорност, со единствена цел – да добиеме непристрасна и објективна постапка, која подоцна ќе послужи како основа за понатамошни активности кои општината ќе ги преземе за утврдување на одговорноста во досегашната состојба со улицата „9-ти Мај“.

Општина Центар периодов е активна со реконструкција на повеќе улици на нејзина територија, меѓу кои е и улицата „9-ти Мај“, каде стариот асфалт веќе се заменува со нов, со дебелина од 9 сантиметри, а ќе се изведат нови тротари и улицата ќе добие нова урбана опрема и зеленило, велат во соопштението.

Би можело да ве интересира

Лабудовиќ: Редарска служба, засилени полициски патроли и современ систем за безбеден Центар

Предраг Петровиќ

Герасимовски: Продолжува проектот „Сервис за стари лица“ , поддршка за 90 пензионери во Центар

Запалени возила низ Скопје, ноќеска гореше и во Кисела Вода и кај Зелен пазар

Катерина Ѓуровски

Деца во градинка во Центар пронашле наркомански шприц во дворот, ја кршеле иглата и се гребеле

Предраг Петровиќ

ВМРО-ДПМНЕ: Општина Центар пропаѓа, Герасимовски и Филипче позираат пред евтини шминка мурали на запуштени згради

Во Центар изгореа четири возила