Општина Центар, заедно со 1.500 градови во светот се приклучува и го поддржува „Светскиот ден без автомобили“.
„По тој повод, утре 22 септември, од 10-24 часот општина Центар ќе ја затвори улицата „Боемска 2“ за сообраќај со цел децата да можат да играат слободно и безбедно на улицата, а улицата ќе биде отворена за различни активности.
Центарци и сите добронамерници ќе може да уживаат во убавата атмосфера и звуците на страроградската музика“, се вели во соопштението на Општината.
Општина Центар, како урбана општина се залага за стимулирање на здрави навики кај сите граѓани и за заштита на животната средина.
