Градоначалникот на општина Центар, Андреј Жерновски, денеска додели 30 решенија за легализација на дивоградби.
„По седумгодишна голгота, конечно сме свои на своето. Ова за нас е многу значаен ден“, велат жителите на Центар, кои денеска дојдоа да ги подигнат решенијата за легализација.
Со ова се реши голем и долгогодишен проблем на жителите на Центар.
„На почетокот наметнавме сериозно темпо. За две години, до мај 2013-та беа изготвени и доделени 724 решенија за легализација. Од мај 2013-та до мај 2015-та решен е проблемот со легализација на 2006 граѓани. Значи, за во истиот период решени се три пати повеќе случаи за легализација. Ова го кажувам не за да се пофалиме, туку за да покажеме дека продолжуваме посветено да работиме на ова“, рече градоначалникот Андреј Жерновски.
Граѓаните се задоволни од ефикасното и ефектно решавање на нивните случаи.