„ВМРО-ДПМНЕ преку фиктивни организации пласира лаги за градбите во Центар и Дебар Маало. Граѓаните треба да ја знаат виситната и да не наседнуваат на лажните здруженија на ВМРО ДПМНЕ и нивните лаги.
Актуелното раководство на општината стави мораториум на на ДУП-от за Дебар Маало и нема впишано ниту една градба откако е на власт.
Зградите кои се градат се предвидени со ДУП-от кој го донесе нивниот градоначалник Тодоровиќ и го гласаа нивните советници, често и во ноќните саати. Сите градби се одобрени во време на власта на ВМРО ДПМНЕ и ова соопштение наводната невладина оганизација треба да го испрати на адреса на ВМРО ДПМНЕ.
Градоначалникот Андреј Жерновски, како што и вети, во изминатите години се бореше и ќе продолжи да се бори против градежната мафија на ВМРО ДПМНЕ. Граѓаните добро паметат кој ги организираше нападите и демолирањето на општината и за какви цели и кој насилно носеше ДУП-ови со цел да се приграбат парцели на Водно, да се изгради десеткатница на Водно.
Градоначалникот Жерновски спречи изградба на неколку катна општинска зграда и огромен објект во Градскиот парк, како што замисли ВМРО-ДПМНЕ.
Општината ќе продолжи да работи во интерес на граѓаните и да инвестира во зеленило и здрава животна средина“, се вели во соопштението на Општина Центар.