Општина Центар продолжува со континуирана грижа и подобрување на условите за најмладите во градинките за сместување, престој, едукација и забава на децата.
„Во градинката „Кочо Рацин“, објектот Н.Н.Борче, позади Универзална сала започнавме со поставување на нов лифт за транспорт на храна. Со овој зафат храната ќе се пренесува безбедно, во согласност со ХАСАП системот. Со ова квалитетот на храната и хигиената за најмладите ќе бидат на маскимално безбедно ниво.
Како што стои во програмата на градоначалникот, Саша Богдановиќ, во сите детски установи за згрижување на деца ќе се изврши неопходната реконструкција, а во населбата Пролет за прв пат ќе изградиме прва градинка на оваа територија“, се вели во соопштението на Општина Центар.