Од 21 до 23 ноември во Рим, Италија се одржа Европскиот форум за намалување на ризици од катастрофи (EFDRR) во организација на Владата на Италија и Канцеларијата за намалување на ризици од катастрофи на Обединетите нации во партнерство со Европската комисија и Советот на Европа
EFDRR служи како интегрирана платформа за заинтересираните страни во Европа, којашто на едно место ги собира заедно Министрите, меѓувладините организации, парламентарците во Европската унија, лидери на влади, научни и академски институции, приватни бизниси, невладини организации и општини.
Тие се поттикнати од климатските промени, катастрофите предизвикани од природни катастрофи како главен предизвик во заштитата на развојот кој го постигнале нашите нации и заедници. Од ваква гледна точка, оваа година EFDRR ќе се организира на тема „Осигурување на просперитетот на Европа – Намалување на ризиците од катастрофи“.
На Европскиот форум во Рим, градоначалникот на општина Центар, Саша Богдановиќ, ја потпиша декларацијата на UNISDR, со што се заложи општината да развие одржливост на животната средина, ублажување на климатските промени, како и намалување на загаденоста.
Со потпишувањето на декларацијата, општината се обврза да ги споделува целите и задачите на UNISDR и официјално се приклучи во светската кампања и во Европската платформа како „Општина Партнер“, соопштуваат од Општина Центар.