Општина Центар отстрани пет времени објекти на улицата „ 11 Окктомври“ на автобуската станица кај Зелениот пазар кои не поседувале решенија за поставување времен објект.
Бидејќи сопствениците на времено поставените објекти не ги почитувале решенијата од Секторот за инспекциски работи и сами не ги итстраниле објектите, општината денеска ги урна четирите киосци и трафиката.
Акцијата на Секторот за инспекциски работи за отстранување на нелегално поставените и изградени објекти ќе продолжи и во наредниот период. Ќе бидат опфатени вкупно 18 објекти кои не поседуваат соодветна документација за истите, информираат од општината.
