„Искршени тротоари, уништени рабници, вода која се слева во отворените дупки каде што се движат граѓаните, кабли од операторите и ЕВН, кои висат над улицата. Вака денеска изгледа улицата „Ристо Шишков“ (поранешна „Димитрија Туцовиќ“)“, соопштуваат од Општина Центар.
„Граѓаните бараа, а општина Центар започнува комплетна реконструкција на тротоарите и рабниците. Ќе се менуваат 740 метри должни рабници и ќе се поплочува со павер елементи, со црна боја, 2150 м2 тротоар.
За да се стави крај на непрописното паркирање ќе се постават столбчиња, ќе се спуштат бандерите и сите постоечки кабли ќе се спуштат под земја“, пишува во соопштението на Општина Центар.
„На улицата „Ристо Шишков“ која што се протега од улицата „Наум Наумовски – Борче“ до булеварот „Климент Охридски“ ќе се постават и нови канделабри.
И оваа реконструкција е дел од проектот на општина Центар, „Работно Лето 2015“, се вели во соопштението на Општина Центар.
