„Општина Центар испрати допис до Министерството за внатрешни работи – Одделение за урбана полиција, со барање за давање на помош за обезбедување на извршување на службени работи.
На 13.11.2015-та година ќе започне отстранување на лимен оџак на “Броз Кафе“, кој е изграден без одобрение за градење.
При инспекциски надзор е утврдено дека инвеститорот “Хорека – Броз Кафе ДОО Скопје“ без одобрение има изградено лимен оџак со димензии ширина од 0.30 на 0.30 метри и должина од 3 метри, како и челична конструкција, со димензии 0.60 на 1.00 метар.
Инвеститорот беше уредно известен дека општина Центар донесе решение, со кое самиот да ја отстрани дивоградбата во определениот рок, што истото не го испочитува.
Инаку, жителите од зградата и околните објекти, каде што е сместен објектот, континуирано се жалеа во општина Центар на миризбата и чадот кои се ширеа од диво изградениот оџак“, се вели во соопштението на Општина Центар.